Ад восені яшчэ зьбіраўся кардынальна калупнуць роварную хадавую частку.
Аднак увосень мы з Юрам ня здолелі зняць шатуны і таму карэтку не разабралі, толькі праз невялічкую дзірку залілі яе паўнютка нейкім кастролам зялёным з цюбіку. Аднак ад вясны ў мяне спачатку пачала ізноў скрыпець карэтка, а ад учорашняга дня яшчэ і ланцуг пачаў спадаць. Карацей, сёньня я ад раніцы скатаўся да яшчэ не адчыненай крамы Dragonbike што каля Камароўкі, узяў сабе новы ланцуг і скарыстаўся неабходнасьцю сядзець у хаце і чакаць на вяртаньне газавага лічыльніка з тым, каб падшыманіць ровара. Складанасьць у тым, што у мяне экзатычная карэтка і экзатычныя шатуны, стандарты інструмэнт да іх не падыходзіць, таму прамудохаўся няблага.
Файна выглядала дзірка, зь якой бачны зялёнага колеру нешта.
Высьвятлілася, што абодва падшыпнікі сьцёрліся у хлам, а адзін нават паламаўся і кавалка не хапае (:
А калі выцягнуў другі падшыпнік з дальняга боку карэткі (да яго толькі так можна дацягнуцца, зь іншага боку гайка на 36), то выглядала гэта звышэпічна
не, гэта не Чужынец з кіны вылупіўся.
і гэта ня ён
Ну і акрамя таго, варта было замяніў ланцуг, калі ўжо заняўся. Дзякую богу, набыў я раней выжымку ланцугу, гэта такія міні-ціскі, таму і стары зьняў, і новы паставіў даволі проста. Пры параўнаньні заўважна тое, што на старым ланцугу сапраўды выцягнуліся зьвеньні.
Ну і ўдагонку, чарговы трэйл да коласа-камароўкі-дадому,
http://www.everytrail.com/view_trip.php?trip_id=543288 Брэша паскудны роварны кампутар, замест 9,5 намераў 11,5.
![[personal profile]](https://www.dreamwidth.org/img/silk/identity/user.png){kind=small}
