КітайПасылТорг

Дасьведчаныя шоперы, цікавіць вашае меркаваньне. Вось толькі нядаўна нейкаму сіцідогу напісаў, што ніякіх праблемаў з кітайцамі не было, як адразу. lightinthebox падчас нейкага распродажу да свайго 8-годзя паабяцаў залатых гор, я нечага там назаказаў на амаль сотку баксаў і прашлёпаў падчас замовы той факт, што яны мне лупанулі дасылку EMS'ам і зьнялі за гэта дадатковыя амаль 50 баксаў. Ну ўжо зьнялі і зьнялі, прабакланіў, фіг зь ім. Але, сёньня яны мне пішуць, што блаблабла складанасьці на мяжы, пасылку развярнулі, вось вашыя 90 ці колькі даляраў і ад'ябіцеся. За нібыта дастаўку грошы фіг, той трэк што яны давалі так нідзе і не праяўляўся. Вынікам гэта выглядае так, што хлопцы вырашылі праз сваю скідосную замануху злупіць троху такіх замоваў, якія насапраўды нават не дасылалі, а потым за дастаўку грошай не вярнуць і троху зарабіць. Пытаньнечка ўласна такое, плацілася гэтая бадзяга праз пэйпал, можа неяк можна задыспуціць такую фігню? Неяк ня меў ніколі падобнага досьвіду, плюс пэйпал у мяне не на беларусь зарэганы.
У замове на лайтінзебоксе адрас дакладна Беларусь. Цалкам можа быць, што дурні з пэйпалу ўзялі біллінг адрас, замест тогда, што быў на замове, але мне што з таго за суцяшэньне? Карацей, цікавыя меркаваньні шаноўнай публікі.

музычныя звычкі

Скажыце, нешматлікія чытачы, наколькі трывалымі ёсьць вашыя музычныя густы?

Памятаю, на золку майго сеткавага жыцьця, яшчэ да фідо, некаторыя суразмоўцы вельмі дзівіліся маёй здольнасьці ў 5-10-50-ы раз слухаць шыкоўны трэк lazy гурта Deep Purple з жывога дыску Made In Japan. З большага ж навакольле пасьлядоўна мігравала ў накірунках усё больш экстрэмальных стыляў, лёгка адрынаючы старых куміраў кшталту "Арыя гэта папса", "Нірвана - для дзяцей" ці "Металліка ўжо ня тая". Я дык вось можа проста які слоўпок, але мае старыя звычкі застаюцца са мной, і нават некалі выцягваў я дыск той самай "Арыі", паслухаў, ну так, гучаньне крыху занаіўнае, аднак я разумею, што мне падабалася і чаму нават зараз гэта слухаць я магу. І "Адваротны бок Месяца" я слухаю з задавальненьнем, арыгінал гэта гучыць ці які іншы гурт гэта можа грае. За мінулыя гады я можа наадварот, стаўлюся значна больш ляяльна да рознае цяжаляціны і эксперыментальшчыны розных гадоў, чаго раней не было.

Ці вось ня так даўно я сапраўды ўслухаўся ў сольнага Дэрака нашага Шарыніяна а ў яго час ад часу грае іншая зорка майго дзяцінства - Інгві Мальмсьцін. Нават выцягнуў мальмсьцінскія сьвежыя дыскі ў спадзеве, што ён і сам грае гэтакжа няблага, але тут не, як аскацініўся з-за зорнае хваробы, так яго і не адпускае.

Дык, уласна, пытаньнечка, а вы, сябры, як увогуле ставіцеся да музыкі і наколькі вашыя густы трывалыя?